كل البنات تقريبا بيحلموا بنفس الحاجات طبعا كل واحد لية شخصيتة المستقلة بس بنشترك فى احلام هى اللى بتخلينا اسمنا بنات. انتى كبنت نفسك فى اية: نفسى احقق حلمى نفسى يبقى ليا كارير قوى وشخصية مستقلة نفسى احب واتحب باختصار نفسى فى فتى احلام مش مجرد شخص جاى يسيطر على حياتى دون اى وجه حق. فتى احلامك دا شكلة اية ؟ فتى احلامى شكلة جميل ثورجى اصيل حبة لوطنة حب وحشى ملوش اسباب يكون شخصية مستقلة ممكن ابدأ معاة من الصفر بس ميكونش بياخد مصروفة من ماما. بس دىو مش مواصفات فتى احلامك دى مواصفات فتى احلامنا كلنا : أنا مش طالبة اكتر من كدة و يا ريت يكون امور شوية مفيش مشكلة لا عمرى هحب تابع و لا ديكتاتور. اصل الحب حرية و فى نفس الوقت مهواش تبعية. الديكتاتور هيقتل الحب بسيطرتة علية. والتابع انتى عمرك ما هتحترمية. يعنى باختصار يا حبيبى المستقبلى عيزاك قوى بس قوتك ليا مش ضدى عايزاك حنين بس تقدر تسندنى وقت شدتى. عايزاك كلامك حلو بس مش كل حياتك كلام. عايزاك رومانسى بس وقت الجد مغامر. عايزاك مش بارد ومش عصبى. عايزاك رأيك ينفعنى بس منغير ما يسيطر على رأيى. عايزاك معايا وقت ضعفى منغير متستغل ضعفى. عايزاك انسان. ودى مش مواصفات فتى احلامى دى مواصفات فتى احلامنا.
No comments:
Post a Comment