معركة يزيد و معاوية

-معركة لا فيها سيدنا على ولا سيدنا الحسين ننزلها لية معركة مفيهاش غير يزيد و معاوية ننزلها لية معركة ملناش فيها عزيز ننزلها لية. معركة بين اتنين بينك و بينهم دم تنزلها لية. عارفة ان الثوار بيحبوا الاشتباكات بس معلش علشان خطرى حاولوا تبقوا كنبة المرة دى. اصلكوا هتنزلوا تدافعوا عن مين عن يزيد ولا عن معاوية اصل خلاص لا سيدنا الحسين فى المعركة ولا سيدنا على. بس متقلقوش دورنا جاى جاى مش هنقعد كنبة كتير أنا عارفة انتوا كرهتوا الكنب و طول عمركوا بتكرهوه. بس احنا دورنا قرب جدا فا بدل ما ننهك نفسنا فى معارك ملهاش لزمة و مش هتقدم ولا هتأخر نستنى لما يجى دورنا و بعدين يا اهلا بالمعارك يا ببخت من يشارك :-)) أنا عارفة ان الوضع بقى مستفز و شوية الفلول و الامنجية طافحين على الوش بس دا فى مصلحتنا علشان نعرف مين معانا ومين عالينا. نيجى بقى للى بيتبرعوا بنفسهم علشان يساعدوا الداخلية لو انتوا مستغنيين عن نفسكوا احنا مش مستغنيين عنكوا. كفايانا دم بقى مش عايزين نخسر حد تانى من صحابنا. و الداخلية دا دورها لما انت تنزل تساعدها هى يبقى دورها اية تعمل سباق عجل !!!! احنا ملناش ضهر غير ثورتنا اللى تعبنا فيها خلينا عايشين علشان ننجح ثورتنا ثورتنا محدش هينجحها غيرنا