..التشيع اخطر ولا التصوف اخطر ولا الجنان هو اللى جاى بيتمخطر. فين ثقافه التقبل مش فادرين تقبل بعض كمسلمين يبقى ازاى هنتقبل الاديان التانيه. الحقيقه ان الشيعه مش كفره و المتصوفين مش مشركين البلد بس هى اللى مالها شويه مجانين. ازاى ناس يبقى المفروض انهم متدينين يكفروا ناس مسلمين زيهم لمجرد انهم مختلفين معاهم فى المذهب. اللى بيحصل دا وصل للجنان الرسمى لما الواحد يسمع ان اللى مسميين نفسهم متدينين عايزين يمنعوا زياره الشيعه والايرانين لمصر. طب ماشى امنعوها بس امنعوا سياحه الاسرائليين كمان واحنا هنسقفلكوا. ولا حكايه خطر التشيع دى بتطلع علشان نلغوش على الحب المتبادل بينا وبين اسرائيل على الاقل الايرانيين مش بيقتلوا فى اخواتنا فى فلسطين. و كمان حكايه تكسير المقامات واضرحه الاولياء هو انتوا بنكوا وبين الاضرحه ثأر ولا ايه. مش بعيد بعد شويه نسمع انهم هيحرموا الموالد كمان. طب دا مولد السيده مريم من اجمل الموالد بيبقى نصوا مسلمين ونصوا مسحيين. دى عادات المصريين من الاف السنين مش هيجى حد يغيرها فى عشرين ولا تلاتين سنه. هما السلفيين ابتدوا ينتشروا فى مصر من امتى مش من السبعينات تقريبا عايزين يغيروا هويه مصر فى تلاتين اربعين سنه. مشكله السلفيين مش سياسيه مشكله السلفيين انهم عايزيين يغيروا هويه بلد احتفظت بهويتها من الاف السنين. يعنى مثلا قرأت انهم بيقولوا ان تهنئه المسلمين للمسحيين فى عيدهم حرام وانى اللى هنأ صديقه المسيحى عليه التوبه لو هما فعلا قالوا كده يبقى لازم عايزين مصر كلها تتوب. اصل مفيش حد مقالش لجاروا كل سنه وانت طيب علشان العيد. دا أنا حتى انبسطت اوى لما لاقيت جارنا انكل حاتم حط الزعف على باب العماره. اصل طول عمر الاعياد كل المصريين بيحتفلوا بيها سواء اعياد المسلمين او المسحيين. و فى دخله شم النسيم طبعا هنسمع انوا بدعه امال ايه وطبعا هنفض للكلام دا وهناكل رنجه واللى بيحب الفسيخ ياكل بس يخى بالوا من نفسوا ومتنسوش تلونوا البيض ^_^

:)الثائر الحق مين هو الثائر الحق بنسمع الكلمه دى كتير الثائر الحق هو اللى بيثور علشان اهداف عامه مش خاصه هو اللى بيثور علشان عيش حريه عداله اجتماعيه و كرامه انسانيه مش اللى بيثور علشان يمسك هو الحكم مش اللى قعد 80 سنه يخطط يمسك الحكم ازاى ولما مسك الحكم افتكر انوا نسى يفكر هو هيحكم ازاى. الثائر الحق ممكن يكون بنت او ولد مع انى أنا بشوف البنات ثورجيه اكتر من الولاد كمان. الثائر الحق ملوش سن ملوش اسم ملوش اجنده معندوش طمع فى الحكم ممكن يكون تابع لتيار معين بس لما يلاقى التيار دا بيخون مبادئه وبينحرف عن طريقه ممكن يسيب التيار دا بل ويبقى ضده كمان. الثائر الحق شخص زى دكتور يسرى سلامه الله يرحمه رغم انى معرفتوش شخصيا بس موته اثر فيا جدا حسيت ان جزء كبير من الثوره مات معاه شخص دينه والتزامه الدينى ممنعوش يقول رايئيه بصراحه شخص ادرك ان الدين خلق ليجمع البشريه لا ليفرقها شخص تمثلت فيه الثوره بكل مبادئها شخص رفض يقول فين ايامك يا مبارك شخص عرف معركته فين وصمم انوا ينتصر فيها شخص جنازته جمعت اليسارى والليبرالى والسلفى والعلمانى شخص اجتمعت كل ألطوائف على حبه. عارفه انوا كلام مينفعش يتقال بس حسيت ان موتوا جه فى وقت غلط جه فى وقت كنا محتاجين شخص زيوا فيه جه فى وقت سادت فيه الفرقه وكنا محتاجين لدكتور محمد يسرى سلامه يجمعنا. دكتور يسرى سلامه بيمثل مصر بكل طوائفها اه واللهى ما هو كان سلفى الدين علمانى السياسه والفكر الله يرحمك يا دكتور انت بجد كنت الثائر الحق. اللى لازم كل الناس تقتضى بيه لان مش هيجى زيوا تانى هو كان واحد زى ما مصر واحده جايز ربنا ريحه من اللى احنا بنشوفوا جايز ربنا اختاروا ما ربنا بيختار احسن من فينا جايز ربنا اراد انوا ميتعزبش اكتر من كده بس الاكيد ان هو كسب واحنا خسرناه.

:)باسم يوسف اول ما تسمع الاسم دا تنتابك مشاعر مختلفه اعجاب حب خوف عليه دعوات ليه تحس انوا رمز الثوره الجميله غير ان هو كمان جميل طبعا احم دا متجوز صحيح بس تعالى بقى هات اسموا قدام اى حد من اخواننا البعدا تلاقيه اتشال واتحط ومش بعيد يكفرك انت وهو اه واللهى ممكن توصل للتكفير اصل هو بنسبه ليهم بينتقد امير المؤمنين بتاعهم اللى شايفينوا بدل الخليفه عمر بن عبد العزيز ياه فين ايام اما كان الشعار قوتنا فوحدتنا ياه يا عبد الصمد :D بس الحلو بقى ان حتى الشفاشقه كمان بيهجموه ليه علشان بيهاجم اللى هما بيقدسوه يخربيت تقديس الاشخاص وانعدام المبادئ اللى يخليه حبيبى لما ينتقد حد بكرهوا و وحش لما يهاجم حد بحبوا ايه ازداوجيه المعايير دى أنا شخصيا مجنونه بيه علشان معندهوش ازدواجيه. يعنى احنا عشاق حمدين الزعيم اللى هو زعيم بجد مش اى حد لما باسم انتقده احنا مزعلناش ولا هو زعل بالعكس ضحكنا ضحك السنين لان معندناش تقديس للاشخاص باسم يوسف. هو بعبع لاى حد عندوا اذدواجيه فى المعايير. ولاى ولد بيغير منوا علشان كل المزز بتحبوا ^_^وبعبع لاى حد عندوا هوس جنسى بيفسر اى حاجه بمزاجه ومبيقبلش الهزار يعنى من الاخر بعبع للفشلين و قدوه للطموحين. يعنى من الاخر شابوه باسم يوسف :-)

:) برغم اختلاف الاديان و الازمان الا ان فى حاجه بتجمعهم هى هى الحاجه دى إلى بتجمع اليساريين مع الليبراليين مع الشيوعيين مع إلى بينزلوا و هما مش فاهميين مع ابطال الشارع الحقيقين اننا بنتنفس حريه ايوه بنتنفس حريه الحريه فى كل مكان الحريه لكل الناس الحريه فى الاديان إلى بيجمع جيفارا و سيدنا الحسين مش الدين و العقيده لكن حب الحريه و حب الناس قبل الحريه الحسين ثائرا و جيفارا ثائرا واحنا ثوار و دا إلى بيربطنا ببعض علقتنا مع جيفارا علاقه عشق عاشق لمعشوقته الحريه اما علقتنا بسيدنا الحسين فهى عشق صوفى عشق بلا دافع ولا مقابل طب فى حاجه كمان تعرفوا ان اغلب ابطال محمد محمود كانوا من نسل سيدنا الحسين اه واللهى من نسل الحسين اصل الثوره بتجرى فى الدم و هما ورثوها بقى :). حبنا لسيدنا الحسين مش عاشان هو سيد شباب الجنه ولا عاشان قره عين رسول الله بس لا عاشان احنا زيوا اه واللهى زيوا بنتنفس حريه زى ما هو كان بيتنفس حريه عندنا استعداد نموت شهدا فى اى وقت زى ما هو سعى ورا الشهاده علقتنا بيه مش علاقه مسلمين بواحد من اهل بيت رسول الله علقتنا بيه علاقه تلاميذ لمعلمهم او ثوار لقائد ثورتهم ولو بصيت هتلاقى ان جيفارا كمان مرتبط بسيدنا الحسين زينا رغم انوا ممكن يكون ميعرفوش اصلا :) ازاى هقولكم اصل جيفارا قلد سيدنا الحسين منغير ميعرفوا حتى جيفارا مستسلمش و مات ورا مدفعه زى سيدنا و مولانا الحسين إلى مستسلمش رغم خيانه اتباعه ليه و ظل البطل حامل لسيفه لاخر نقطه دم فيه اه ما البطل مبيسبش سيفوا الا و هو شهيد إلى مشترك بين جيفارا و سيدنا الحسين هى البطوله و الحريه. ما اصل لفى بطوله منغير حريه ولا فى حريه مبتخلقش بطل. والى مشترك كمان بين جيفارا و سيدنا الحسين ان الناس إلى بيشتمونا عاشان بنحبهم هما هما اه واللهى هما هما سألتونى ازاى اقولكم ازاى لما بنتكلم على حبنا لجيفارا يقولوا علينا يا شيوعيين يا ملحدين يا معفنييين اما بقى لو اتكلمنا عن حبنا لسيدنا و مولانا الحسين يقولوا علينا شيعه و انجاس و الحقيقه بقى ان هما بيخافوا من سيره الناس دى لانهم بيخافوا من الثوره و سيدنا الحسين و جيفارا هما الماده الخام للثوره. طب واللهى شبه بعض جدا. جيفارا:الطريق مظلم و حالك فان لم تحترق انت و أنا فمن سينير لنا الطريق. اما سيدنا الحسين فلما طلبوا منوا يبايع يزيد و يريح نفسوا رد الحسين:و الحق و الحرمات و العدل الشريد أيسترحن ؟. شوفتوا ازاى شبه بعض العقائد عمرها ما تفرق بين شخصين هدفهم الحريه لان العقائد خلقت لتجمع البشريه مش علشان تفرقها. و هنفضل نحب جيفارا و هنفضل نحب سيدنا الحسين قولوا علينا بقى شيعه مجوس ملحدين معفنيين بس احنا هنفضل ثوار مكملين :))

:) نبدا بالسلام و بصلاه على اشرف الخلق عليه الصلاه و السلام طبعا كلنا عارفين مين هو سيدنا الحسين هو حفيد رسول الله ابن السيده فاطمه الزهراء و الامام على بن ابى طالب و قد قال رسول الله أنا من حسين و حسين منى و احب الله من احب حسين بس فيه ناس كتير مبتحبش تقرأ عن سيدنا الحسين عاشان الشيعه بيحبوه طب و دا كلام بردوا؟؟؟؟؟مكناش بقى صومنا عشوراء عاشان اليهود بيصوموه طب و اهل السنه هل فيه حاجه تمنعهم من حب ال البيت ؟؟؟؟؟؟ لا طبعا دا بقلوكوا الرسول قال أنا من حسين و حسين منى و احب الله من احب حسين يبقى حب سيدنا الحسين واجب واجب واجب ندخل بقى على يزيد بن معاويه بن سفيان شيوخ الوهابين بيدافعوا عنه ازااااى نحب قاتل سيدنا الحسين و واضع رأسه فى اناء من الذهب و ضارب رأسه و هو ميت و سابى السيده زينب كيف نحب مذنب و نبخث الحب فى سيد شباب الجنه و سيد الثوار ايوه انتوا متعرفوش ولا ايه سيدنا الحسين سيد الثوار لو سألت اى شاب ثورجى او ثورجيه هتلقيه بيحب سيدنا الحسين لأنوا سيد الثوار فهو من ثار على معاويه بعد ان ورث الحكم لابنه يزيد (توريث) و هو من ثار على يزيد لفقدان يزيد للشرعيه فكيف لا يحبه الثوار و هو اول من ثار مدد سيدى يا حسين حبك يجرى فى عروقى مدد سيدى يا حسين يبقى حب سيدنا الحسين لا علاقه له بالشيعه فالشيعه لهم مذاهب اخرى فى حبه فلنحب سيدنا الحسين وليسقط الواهبيين مخربين الدين محبى يزيد القاتل المدافعين عنه و على فكره عمرو خالد (مصدر ثقه ) ادان يزيد القاتل الحكايه مش مستهله اصلا اى قاتل مدان فماباك بقاتل حفيد رسول الله فاى اعذار لسبى حفيده رسول الله و قاتل حفيده و قره عينه غير مقبوله افيقوا يا اهل السنه و لا نبخثوا فى حب من يستحق الحب و تسامحوا من استحل دم رسول الله ان تسامحوا يزيد كيف تصافحون الحسين فالجنه و انتم مسامحين قاتله باى وجه تلاقوه فلتعقل فلنتعقل هو ممكن حد يفضل يزيد على حفيد رسول الله لا يعقل طبعا فلنصلى على رسول الله و نحب ثم نحب ثم نحب سيدنا الحسين مدد يا سيدى يا حسين 

ليه اى. بيمسك البلد دى. لازم حالوا يميل ليه اى حد بيمسك البلد دى لازم حالوا يميل ها ليه ؟ليه بيبدأ كويس و اول ما يمسك يتحول وحش مفيش فى قلبوا رحمه لا حاسس بجاعان ولا حاسس بعريان الا لو كان من اهلوا و عشيرته. ليه كل واحد بيمسك بينسى هو جى منين و عايز يحقق ايه. بينسى مين إلى وصلوا للكرسى والقصر اصلا. بينسى انوا قال لو تعثرت بغله فالعراق لسؤلت عنها. بينسى انوا هو إلى قال نحمل الخير لمصر و الاسلام هو الحل. ايه إلى بينسيه وليه بيتغير 180 درجه اول ما يدخل القصر الملعون. بيبقى شخص تانى بيركن مبادؤا على جنب و يطلق الشخص الشهوانى إلى جواه بيبتدى ينسى كل الناس إلى طلع على كتافهم و ممكن ينسى شعاره الاساسى كمان ايه سبب دا كلوا مفيش حاكم جلنا و متغيرش مع انى ميولى ناصريه بس حتى ناصر بعد ما مسك الحكم سياسته اتغيرت شويه و بدأ يقمع الاخوان بس جايز عاشان عرفهم على حقيقتهم الله واعلم. تكونش دى لعنه الدم اه كلنا سمعنا ان لو الناس نسيت دم إلى ماتوا ربنا مبيبركلهمش فحاجه. نسيوا لعنه الدم تحيط القصر الملعون و تقضى على كل من يدخله دم الغلابه إلى بيموتوا من الجوع و فالقطارات و فالعبارات و تحت العمارات. هى دى االعنه إلى بتحيط القصر الملعون. مفيش رئيس نسى دم الغلابه وربنا بركلوا ابدا السادات نسى الغلابه و انشغل بتمجيد نفسوا ربنا انتقم منوا مبارك نسى الناس الغلابه ربنا زلوا للناس و انتقم منوا الكلام ليك يا إلى فبالى.هتنسى دم الغلابه لا اهلك ولا عشيرتك هيعرفوا يحموك حتى لو كنت قريب المحافظ نفسوا. الناس بتصبر تصبر لاكن فلحظه تثور زى البركان بيقدروا هما الوقت ولما بينزلوا الشارع محدش بيعرف يرجعهم تانى لا حمدين ولا البرادعى ولا الجن الازرق و على. رأى الرائع بلال فضل لو حمدين و البرادعى حلفوا بالطلاق على الناس إلى فالشارع عاشان تروح مش هنروح. احنا مش خرفان ولا ماشيين ورا حد احنا احرار بيحركنا عقلنا بس لا احنا عبيد المرشد و لا عبيد مبارك ولا دراويش العسكر ولا عشاق شقيق اصل اجنا مش عبيد من اى نوع احنا احرار وعلى رأى المثل لو السما مطرت حريه لفتح العبيد الشمسيه. انما احنا اصلا محلتناش شمسيه. و فى النهايه احب اقول! ?صك what the