انت لسة مختلف

انت لسة مختلف
انت مش زيهم
انت مش تافه
انت مش مغيب
الجمل دول قولهم لنفسك كل ما تفقد الأمل وتقول خلاص هى خلصت هما اكتر واحنا خسرنا لأن الجمل دى هى الصح وانت المرة دى غلط عرفت منين أن هما الاكتر من قنواتهم اللى وجعت دماغ الناس وانت بتقول أنها كدابة طب انت مش مصدق نفسك لية اذا كانت الناس بدأت تصدقك ممكن تكون مش انت الاكتر فعلا بس انت مش أقلية انت مش ضعيف انت لسة مختلف
أقنعو الناس انك مريب غريب متأمر وخاين وعميل أقنع انت الناس انك بس مختلف عنهم علشان هما بيقولوا اللى انت بتقولة بصوت واطى وانت قررت تقولة بصوت عالى وهم مش واخدين عالصوت العالى ودا اللى مخليهم مستغربين
ثق فى قدرتك علشان هما يثقوا فيها مينفعش تتطلب منى أثق فيك وانت مش واثق فى نفسك
متقوليش احنا كتير فى السجون اه اللى فى السجون كتير بس انت مش فى السجن وغيرك مش فى السجن يبقى احنا كتير جوا وبرا السجون
أفتكر ديما انك مش ملاك ولا انت خليفة جيفارا فى الأرض كلة غلط وكلة ساهم فوصول الوضع للنقطة دى بس الغلطات مش زى بعض طبعا وغلطتك أقل من غلطتهم بس متنسأش أن انت غلطت
ساهم اكتب فكر ارسم صور متسبهومش يمنعوك انك تفكر
خليك زى م انت مختلف متبقاش نسخة من حد علشان اختلافك هوا اللى تعبهم
ملكش دعوة باللى بطل ويأس طاقتة خلصت لحد كدة متلموش ولا تتريق على اللى لسة مكمل بنفس الحماس عندة أمل متياسوش
خرج نفسك من سجن نفسك.....

 النيل 💝💝

لا تجعلهم يحولوك من ثوري لثورجي

كيف حولوك من ثوري لثورجي
حولوك من ثوري ضد الظلم و الطغيان و الفاشية الي ثورجي يتفاخر بانجازتة في الاشتباكات بانجزاتة في خطف قنابل الغاز و اعادة رميها مرة اخري لا احد ينكر عليك انجازتك ولكن هذة الانجازات كانت وسيلة نتيجة وليست غاية
وجودك في المجتمع كثورجي فقط شخص يفخر بانجزاتة الخاصة ولا يكف عن المذايدة عن من هم اقل منك انجازا
يجعل المجتمع يلفظك و يتمني التخلص منك لا ادعي انك ليس لديك انجازات اجتماعية او انك لست مفيد لمن حولك علي العكس ليس هناك احد يفيد المجتمع او يكرث وقتة و اجازتة يقضيها في مؤسسات المجتمع المدني مثلك
ولكنك تنسي التحدث عن هذا الجانب لتقضي وقت في التفاخر بانجازاتك في الاشتباكات حتي ظن الناس ان هذا هو انجاز حياتك الوحيد علي عكس الحقيقة اعطي نفسك قد رد حتي يعطية لك الاخرون
اجعل من نفسك هذا المناضل الثوري الذي يناضل من اجل حقوق المهمشين حتي لو لم يدافعوا عنها هم
ولا تنسي النضال من اجل اصدقاء مناضلين معتقلين فهم من ناضلوا من اجلك قبلا
لا تنجرف وراء من يريدوك ان تتحول لذلك الاناني الذي يتفاخر بانجازة فقط
لا تنسي هولاء المناضلين الذين ناضلوا قبلك ربما انت مختلف معهم نتيجة اختلاف السن و الجيل و طريقة النضال ولكن هذا لا ينكر كونهم مناضلين ولا كونك مناضل
لا تنسي عزيزي الثوري النقي ان لا تزايد علي من اختلفوا معك ولكن اجتمعوا علي الوفاء للثورة
عزيزي المقاطع الثوري لا تزايد علي منتخب حمدين لانة لم يقاطع مثلك ولانك متاكد من انة ليس ان و اخوانا ولا فلول
عزيزي منتخب حمدين صباحي لا تزايد علي المقاطع فا فالنهاية انتوا اخوات في ثورة واحدة و انتوا لستوا قطيع لة راي واحد بل عقول مختلفة باراء مختلفة

يا رب الكام سطر دول يفيدوكوا ☺

طريق نضالي واحد النسر والمقاطعة

مش بنقلل من نضال حد بس مهما كان عمر نضالك مش هيكون جاب 10 سنين طب لية بتزايد على اللى نضالة تخطي اربعين سنة اه حمدين صباحى نضالة تخطي أربعين سنة فى سطور قصيرة هنستعرض الأسباب اللى ممكن تخليك تزايد علية
اول حاجة حمدين اترشح وهو عارف أنها محسومة هسيبك انت ترد على النقطة دى هى لو كانت محسومة كانوا مدوا يوم كامل علشان يزوروا طب لية يعرضوا شرعيتهم للخطر لو هي "محسومة"
والحقيقة أن الشعب ادانا كلنا درس انوا خلاص محدش هيضحك علية وهو اللى رفض يشارك فى حاجة وهموة انها محسومة علشان يحسموها فعلا
تاني حاجة حمدين منسحبش لية مع أن قرار أغلبية الحملة كان اغلبيتة بيايد الانسحاب أولا هو كان فى النقطة دى غلط اه غلط اية المشكلة اني اقول انوا غلط مش مطالبة اايدوا فى كل مواقفة بس اختلافك معاة فى نقطة ميمحيش نضالك ولا نضالة مش لازم نبقى متفقين مع الشخص مية في المية احنا مش إخوان ولا سيساوية و اكتر حاجة اضرت بالثورة الفترة اللى فاتت أن احنا كفئة ثورية مش قادرين نتقبل أننا مختلفين و مش شبة بعض
ولازم انت كثوري تشوف أن وجود حملة لمرشح تاني فى الشارع و الأذى اللى اتعرضتلة حملتة كسرت فكرة أن الشعب كلة ورا شخص واحد ترشح حمدين و المقاطعة الاتنين خدموا الثورة المقاطعة هدمت فكرة الزعيم الأسطوري و حمدين كسر فكرة الدولة المحايدة فى النهاية احنا الاتنين فى نفس الاتجاة بلاش نقعد نشاكل فى بعض ونضعف فى بعض ونسيب أعداء الثورة يقوا يوم عن يوم 

انا ومؤسستى

الواحد يا اخويا مش عارف اية نقص الحنان اللى عند الشعب دا

يقولك حب الشرطة حب الجيش حب القضاء حب البورررم

وفى الحقيقة بقى انت مينفعش تحب مؤسسه لانك لو حبتها عمرك ما هتشوف غلطها
المؤسسه دى مجموعة اشخاص مكلفين بخدمتك بالقانون وانت ملزم تساعدهم على اداء واجبهم
انما جو الحب و المحن دا مش تعامل شعب مع مؤسسات دا تعامل عيلة عندها 15 سنة مع الواد اللى بتحبة

مؤسسات الدولة ان كانت صالحة تطبق القانون يجب عليك طاعتها طبقا للقانون
انما لو لقدرالله المؤسسه فاسدة واجب عليك توجهها وتثور عليها كمان لو متعدلتش

يعنى مثلا مينفعش تساوى ظابط الشرطة اللى بيبلطج على الناس باللى بيأمن حياتهم وعيشتهم

يبقى حق مؤسسات الدولة عليك الحفاظ عليها في حال حفاظها عليك

انما علاقة تاحب اللى بينكوا دى اخرها اجبلكوا المأذون يطلقوا وتشردوا العيال اللى بينكوا

مع الاعتذار للقراء على الالش الرخيص الامتحانات تعمل اكتر من كدة
 

فى المترو

زحمة ربكة حر ثلاث كلمات يجتمعوا سويا في زحمة المترو



وكان هذا حالة في المترو ينظر الى المحطات ويتمنى ان يفجر الساعة التى فكر فيها في ركوب المترو وقت الظهر ذلك الوقت الذى يعج بالناس فهى ساعة خروج الموظفين متعبين من عملهم ساعة خروج جميع المدارس ساعة هبوط الغزو الفضائى على الكوكب ساعة كوارث عالمية

كان يضع الهاند فرى ليجعل الوقت يمر ولكن دون جدوى وقف المترو مرة اخرى ليجتمع اناس اخرين داخلة بينهم كائنات فضائية بالتأكيد فهذة الزحمة اللعينة ليست من صنع بشر بتأكيد

صعدت هى وهو يراقب تنتمى للكائنات الفضائية فليس هناك بشر بهذا الجمال
نظر اليها نظرة اندهاش وتدور في عقلة عبارة "اية اللى جاب القمر دى المترو المعفن دا"

اووووف كانت اول عبارة يسمعها منها و هى تبعد شعرها عن وجهها لشعورها بالحر الشديد بالتأكيد
هو لنفسة طب اروح اكلمها بس هقولها اية معجب بيكى يا انسة ياللى معرفش اسمك ممكن تلطشنى على وشى اصلا دى شكلها مؤدبة

بس لو كانت مؤدبة اوى كدة اية اللى يخليها تركب المترو مع الرجالة لا يا عم بلاش تظلمها جايز ملقتش مكان تانى طب ما هى كان ممكن تستنى وتركب اللى بعدة طب ما ممكن يكون وراها حاجة

دارت جميع تلك الاسئلة في زهنة ليتفاجئ انها تنظر الية نعم انها تنظر الية هو لا يتوهم ذلك
ولكن لماذا تنظر الية ثم تحول نظرها بسرعة اتكون معجبة بة ايضا ولكن كونها فتاة في مجتمع شرقى ذكورى يمنعها من اطالة النظر الية او ربما استفزها طول نظراتة اليها

لم يعرف هو لما نظرت الية ولكن هى عرفت عرفت انة ستايل مميز كما قالت في نفسها

المحطة الاولى





يقف المترو لانزال و استقبال بشر و فضائيين جدد وهو يراقب بخوف وقلق هل ستنزل ويفقدها للابد ام ستطول رحلتة معها بضع دقائق
انتهى المترو من ادخال و تنزيل البشر والفضائيين ولازل القمر المنير داخل المترو
تحرك المترو من جديد

اقترب من المكان الذى تقف فية وابتسم لها ابتسامة خفيفة لتبتسم لة هى الاخرى

كانت تحمل كشاكيل في يدها ليقعوا من يدها ليساعدها في حملهم من جديد لتكون اول كلمة بينهم


شكرا


كانت هى الكلمة التى كسرت بها الصمت بينهم

لا العفو انتى في الجامعة
هى:اه
هو:كلية اية ؟
هى:هندسة

ساد الصمت لفترة ولكن هذة المرة يقفوا جنبا الى جنب



المحطة التانية



هو:انتى بتركبى هنا على طول ولا دى اول مرة
هى:مش على طول ومش اول مرة
 
ساد الصمت من جديد




المحطة التالتة



هو:انتى مرتبطة
هى:انت بتسأل سؤال زى دا لية
هو:انا اسف

من داخلها كانت تتمنى ان يلح عليها في السؤال  ولكنة لم يلح ربما لاحترامة لها ولكنة لم يلح


هو:بصراحة من اول ما دخلتى المترو وانا....

هى: وانت اية

هو:وانا
قاطعة صوت المترو وهو يقف

هو:وانا
هى:وانت؟ يلاهوى دى

المحطة الرابعة

نزلت تركض حتى لا يمشى المترو

اخرج هو رأسة من شباك المتروو "وانا معجب بيكى" قاطعة صوت المترو وهو يتحرك

هى:بتقول اية؟؟؟؟؟؟؟

وقاطعها سرعة المترو وهو يذهب بعيدا خارج الغلاف الجوى


تمت

 

عندما تفقد الاشياء الوانها

عندما تفقد الشعور بكل شئ فذنب من هذا
عندما يفقد تعداد الايام اهميتة عندك فذنب من هذا
عندما تفقد الوردة لونها في عينيك فذنب من هذا
عندما تفقد الحياة الوانها في عينيك حتى الابيض و الاسود اختلطا فذنب من هذا

اسمع الشخص الذى ينادى بصوت عالى ويصرخ فينا هذا ليس ذنب الدولة




صراحتا ليس لدى لبقدرة العصبية لاشرح ما ذنب الدولة في ذلك ولكن عندما يفقد الشباب حتى الرغبة في الحياة الن يضر هذا بدولتكم  ام انه يجب على الشباب ان يعمل كعبيد امريكا عندما كان البيض يستعبدون السود ولكن هذه الايام سيستعبد الكبار الشباب






ويبقى السؤال كيف نعيد لكل شئ لونة في الثلاث سنوات الاخيرة رغم صعوبتها الا انها ارجعت الينا الرغبة في الحياة النضال الانسانى غالبا يعيد للحياة لونها حتى الذى يتضامن فقط من وراء شاشة الكومبيوتر فدورة مهم لنفسة وللجميع



ولكن هذا الامل الذى ظهر فاجاة اختفى فاجاة اختفى ولا نعرف اين ذهب فمازالت عمليات البحث عنة مستمرة وارجو من الله ان لا تقف ابدا فعندما تقف سيقف معها جميع مسببات الحياة على هذا الكوكب اللعين

ويبقى السؤال الاهم وقت البحث و بعدة وقبلة لماذا فقد كل شئ لونة

 

ماشية براحة

:أية دا يا عم شوفت البت إللى ماشية هناك دى ماشية براحة إزاى أية دا يا عم دى بتتلكع علشان تسمعلها كلمتين حلويين منا. لا يا عم دى عايزلها ضربة خفيفة كدة تخصها. لا يا عم لحسن الناس فى الشارع يتلموا علينا. يا عم هى الغلطانة شايف ماشية بتتلكع إزاى. دى بتقول الناس بصوا عليا. يا عم لا حرام عليك دى ماسكة كتب شكلها تلميذة فى مدرسة. يا عم دى حتى مش محجبة ولا حاطلها حاجة تغطي بيها شعرها إللى منتورأة على كتافها دا. ماشي يلا بينا نجس نبضها بكام كلمة. راح الشابان يمشيان وراء الفتاة يسمعاها عبارات السفالة الرقيقة. وهى تمد خطوات قليلة ولكن لا تسرع فهذا آ أعطاهم الحق أن يزيدوا من عبارات السفالة الرقيقة كما قلنا سابقا وهى لا تزيد على خطواتها الخفيفة. ليظنوا أنها بذلك أعطتهم الضوء الأخضر. ليأخذوا الخطوة الجديدة ليضربوها وليس ضربا قويا لتسقط الفتاة التى قدمأها مصابة بنوع من أنواع العرج الثقيل. ولا تستطيع أن تحرك قدماها للأمام بسرعة حتى لا تسقط على الأرض و يضحك منها المارون ألذين سيرونها فى هذه الحالة مجرد فتاة”مدهولة“. ولكن هذا العرج الثقيل على قدماها و حياتهم لم يحميها من حيوانات تمشي تبحث عن فريسة وهى الفريسة لأنها فى النهاية ”ماشية براحة“.               

غروب الشمس

.كان اليوم يوشك ان يكون فى اخرة ها هى الشمس قد قاربت ان ترحل و الطلبة لا يزالون فى الجامعة. كانت شمس ايضا فى الجامعة تقضى يومها الدراسى كباقى الطلاب. شمس فتاة تكاد تصل إلى عامها العشرين ليست فى غاية الجمال ولكنها جميلة. جميلة الجمال الهادئ. هى فتاه عادية بكل ما للكلمة من معنى ولكنها لديها حب غريب لاى شئ له علاقة بالفن. وبعد انتهاء هذا اليوم الدراسى الطويل وقد قاربت الشمس على الغروب خرجت شمس لتعود إلى منزلها. لتتفاجئ ان ليس هناك شمس كانت الغيوم تملأ السماء وكانت شمس رغم هذا الاسم تحب المطر و الغيوم اكثر من حبها لاسمها. ها قد بدأ المطر يهطل و بدأت شمس تجرى تحتة كالاطفال. وفى وسط الامطار و الفرحة التى تغمر شمس اصطدمت بسائر على الطريق نظرت الية فوجدتة رجل فى اواخر الثلاثينات يبدو من ملابسة انة رسام حيث انها مغطاة بمختلف الالوان. كان وسيما إلى حد كبير ولكن وسامتة يغطيها عدم اهتمام بهيأتة كجميع الرسامين. نظرت الية شمس قليلاً لتكتشف انها كانت تراة قبل هذة اللحظة كثيرا كان هذا الرسام يجلس على الرصيف المقابل للجامعة التى تدرس فيها شمس. كانت ورشتة و بيتة على ذلك الرصيف يرسم صورا للاشخاص الصورة يأخذ مقابلها مبلغ زهيد لا يتعدى الخمسين جنيها. لا تعرف شمس ماذا يفعل بهم ربما يأكل منهم او يشترى الوانا ليعيد الرسم مرة اخرى. الرسام:أنا اسف يا انسة. شمس:أنا اللى اسفة. و بدأ الرسام فى المضى نحو الرصيف الذى يمثل لة كل شئ لتفاجئة شمس بندائها. شمس:يا استاذ. الرسام:نعم. شمس:هو انت ممكن ترسملى صورة. الرسام:مفيش مشكلة تدينى صورة ولا تقعدى على الكورسى وانا ارسمك وقتها. شمس:لا احسن ابقى قاعدة قدامك علشان الصورة تطلع حلوة. الرسام:خلاص تعالى بكرة. رحلت شمس وهى تتسأل لماذا فعلت ذلك اهى فعلا تريد صورة ام ماذا وان كانت تريد فعلا صورة لماذا لم تعطة صورتها ليرسمها منها! كل هذة كانت اسئلة تدور فى زهن شمس و هى عائدة إلى منزلها. مضى اليوم فى منزل شمس و هى لا تشعر انه يمضى و ادركها اليوم الثانى ليس لديها محاضرات هذا اليوم ولكنها ذاهبة إلى الجامعة او إلى الرسام هذا السؤال لا تعرف هى اجابتة. دخلت الجامعة و لم تلبث كثيرا حتى خرجت. بدأت تبحث عنة وجدتة نائم و هو جالس على كرسية و يغطى وجهه بقبعتة التى تشبة قبعات الرسامين الفرنسيين. شمس:لو سمحت يا كابتن. الرسام:اية دا هو أنا نمت سورى يا انسة اية دا انتى بتاعة امبارح. شمس:اه أنا جيت علشان الصورة. الرسام: طيب اقعدى على الكرسى دا و اضحكى ضحكة حلوة زيك كدة. جلست شمس على الكرسى المطلوب و هى تضحك ضحكة خارجة من قلبها و ليست ضحكة مصطنعة. شمس:هو انت بتشتغل حاجة غير الرسم. الرسام:لا. شمس:هو انت اسمك اية. الرسام:اياد. شمس:هو انت بجد عنيك زارقة. اياد:ممكن تبطلى كلام بقى علشان اعرف ارسمك وتعبير وشك ميتغيرش. شعرت شمس بالاحراج و ذهبت الضحكة الخارجة من القلب و اصبحت مجرد ضحكة مصطنعة ليس لها معنى. احس اياد بذلك فشعر انة قد احرجها. اياد:أنا اسفة يا انسة متزعليش انت اسمك اية صحيح. شمس:شمس. اياد:طب يا شمس اضحكى زى الشمس و متزعليش منى ابدا. شمس:لا مش زعلانة خلاص. مضت ساعتان و شمس جالسة ضاحكة امام اياد. اياد:الصورة دى هتطلع احلى صورة رسمتها فى حياتى. شمس:كل صورك حلوة. كانت شمس فتاة خجولة إلى حد كبير ولكنها امام اياد تصبح شخصا اخر حيث انها تصبح جريئة إلى درجة قد يعتبرها البعض وقاحة. ثلاثة ايام متتالية تأتى شمس لكى يرسمها اياد. وفى اليوم الثالث شقت شمس ضحكتها بهذة الكلمات. شمس:هتاخد منى كام تمن الصورة. اياد:اللى تدفعية. شمس:طب ما تخطبنى وانت اللى تدفع. اياد:هو أنا اطول القمر دا. شمس:مش بهزر على فكرة أنا عمرى ما تصورت انى اقول لحد بحبك. اياد:روحى دلوقتى يا شمس و اعقلى شوية. قامت شمس عائدة إلى منزلها وهى بقمة اليأس و الاحباط. نام اياد وهو متحير هل يستجيب لنداء قلبة الذى يقول لة انة يحب تلك الفتاة الغريبة ام يستجيب لنداء الواقع الذى يقول انة من المستحيل ان يرتبط بها. عاهدت شمس نفسها على عدم الذهاب مرة اخرى لاياد. مضت ايام كثيرة وهو ينتظرها وهى لا تأتى وهى تحاول نفسها ولا تذهب. اعلنت النشارات الجوية للبلاد عن هبوب عاصفة ثلجية اتية من الغرب. موجة باردة لا مثيل لها لم تمر بمصر من قبل. كانت شمس تذهب إلى الجامعة وهى ترتدى المعطف الاسود. فى اثناء الليل و البرد عقدت شمس نيتها ان تذهب إلى اياد للتطمئن علية ماذا فعل بهذا البرد. فى الصباح. ارتدت شمس المعطف الاسود و ذهبت إلى الناحية المقابلة للجامعة تفاجأت بهرج ومرج و سيارة اسعاف و سيارة بوليس. سألت شمس احد المارة. شمس:فى اية ؟؟. دا واحد مات على الرصيف من البرد. شمس:لا حول ولاقوة الا بالله. تنظر شمس إلى الرجل الذى مات بردأ وهم يرفعونة إلى الاسعاف لتجدة هو نعم هو. صرخت شمس اياد دا اياد سألها احد المارة مين اياد. ردت شمس:دا رسام كان بيقعد هنا وهى دموعها تكسوا ملابسها. رسام فنان صرخت شمس و ما كان من المارة الا ان قالوا معلش يا بنتى الله يرحمة. بكت شمس ثم بكت السماء مطرأ وغابت الشمس. وغابت شمس سعادة شمس.           

شقلب

هنستعرض وضع الاعلام مع الثورة فى الفترة اللى فاتت فى كام سطر صغيرين. النكسجية الينايرجية العملاء عندهم مخطط لتخريب مصر معايا تسجيلاتهم. ثم يحدث اقتحام لجميع الاعراف و التقاليد يأتى المذيع اللطيف الامنجى بتسجيلات لا تدل على اى شئ سوا انها تأتى بالمتفرجين إلى برنامجة و الباحثين عن الفضايح.
  قلبت القناة دى وجبت قناة تانية اما نشوف. نكسة 25 يناير اللى فرقت الشعب 30 يونيو ثورة مش موجة 25 يناير دى مكنتش ثورة اصلا.
مسكت الريموت غيرت الهم دا و جبت قناة تانية. اوعا حد يضحك عليكوا و يقولكوا ان 25 يناير كانت ثورة.
     قلبت تانى جبت قناة تانية الريموت هيبوظ منى يخرب بيوتكوا.
  انى فلة طب انى فلة قناة فلول محيرة العقول.
         قلبت تالت البطارية هتخلص جتكم الهم. احمد سبايدر يتهم ابلة فاهيتا بالتأمر على مصر. قفلت التلفزيون خالص و الحال فضل زى ما هو عدا كام يوم و ادى الاستفتاء جة روحت لاقيت اللجنة كلها شباب ثورة 19 فوق ال60 و ال70 سنة.
     احجام الشباب عن المشاركة فى الواقع السياسى احجام كامل ما اشبة اليوم بالبارحة. شعور الشباب ان الاوضاع عادت كسابق عهدها.
       بدأت اجهزة الاعلام تخفف قليلاً من السعار على الثورة و الثوار و بداية سحب الشباب باللين ولكن كلوا لسة فى الدرا و الخباء.
          مقالة فى المصرى اليوم تنشر ان الفريق السيسى يقول ان لا عودة للوجوة القديمة وان الشباب لا يجب ان لا يقلق من عودة نظام مبارك وان 30 يونيو ليست ثورة على 25 يناير.
  (شقلب.)
     25 يناير ثورة شعب استغلها الاخوان.
غيرت القناة.
         لا هجوم على ثورة 25 يناير يجب ان لايقلق الشباب.
   قلت جايز التلفزيون ضميرة صحى غيرت تالت.
 مخاوف الشباب من عودة حكم العسكر مستبعدة يجب ان لا يقلقكوا. قفلت التلفزيون و أنا متأكدة ان الشقلبة دى فى الرأى العام و فى الاعلام بتأكد اننا اقويا اوى اوى. واننا كتير مش اقلية زى ما البعض بتسول لة نفسة. و مع شقلبة الاوضاع يبقى لنا ان نتفائل بهذة الشقلبة بس اوعى تشقلب تانى.

عاكسها بس اوعى تلمسها

عاكسها بس اوعى تلمسها قرأت الجملة دى على ضهر توك توك و شباب زى كتير قروها وما منهم منى الا السخرية و كتابة التويتات ان سواقين التوك توك اتخذوا المذهب الوسطى الجميل فى التحرش و طبعا جتلنا ريتويتس كتير وفرحنا بيها. بس لما فكرت فى الموضوع لقيت ان احنا وصلنا لمرحلة اننا بقينا نتحايل على المتحرشين مش انهم يبطلوا تحرش كمان لا دا انهم يقللوا درجة التحرش من تحرش جنسى لتحرش لفظى. يعنى المتحرش بقى اقوى من قوى المجتمع جميعها. المتحرش قدر يلجم المجتمع بحيث ان المجتمع ميقضرش يطلب منة يتوقف تماما بل يكتفى بان يطلب منة ان يخفف قليلاً من تحرشة. يال روعتك ايها المتحرش فقد سيطرت على مجتمع بأكملة سقفة للقرد. واجهوا التحرش حتى بالسخرية و الكومكس ولكن واجهوه اطلبوا منعة وليس تخفيفة. و قد تكون الكومكس سلاح جيد فعندما استعملها باسم يوسف فى حلقتة عن التحرش نالت اعجابى و اعجاب الكثيرين بل و اثرت فى الكثيرين مع انها مجرد كوميك و سخرية. ليس المهم الطريقة او الوسيلة حاربوا التحرش لتقضوا علية ليس لتقللوة