تجربة شخصية

المرة دى هتكلم على تجربة شخصية ليا ممكن معظم الولاد هيقولوا عليها تافهة بس البنات هيفهموا كلامة. ماما أنا نازلة اشترى شوية حاجات. ماما:الدنيا ليل استنى لبكرة. يا ماما الساعة لسة 7. و بعد نقاش و مناهدة ماما سابتنى انزل أنا رايحة اشترى حاجات و اتفرج على اكسيسوارات همشى شارعين تلاتة كدة. الساعة لسة 7 ومفيش ناس كتير فى الشوارع عربيات بس و اول ما عربية تشوفك بنت ماشية لوحدك تبتدى الكلكسة و يهدى العربية و يدينى كلمتين ممكن يفضلوا مضيقنى اليوم كلوا معلوم هو أنا امشى فى الشارع لية اصلا دا مش من حقى. ماشية فى الشارع طبيعى هتقبلنى حتى ضلمة شوية فيها شجر كتير مثلا لمجرد انى ماشية لوحدى لو شفت جنس مذكر فى الشارع قلبى يبقى يضرب اتوتر توتر رهيب جسمى الادرنالين يملانى لدرجة ان اى كلب لو شافنى لازم يجرى ورايا بس كلاب الحيوانات ولا ديابة البشر. لما اشوف اى ست فى الشارع ابقى شوية وهجرى وراها علشان مبقاش ماشية لوحدى. طبعا ناس كتير هتشوف كلامى دا تافة بس البنات هتفهم كلامى لية يبقى شعورنا فى بلدنا كدة لية نخاف و احنا ماشيين فى شوارعنا. لية تواصلونا ان احنا لو شفنا ولاد واقفين فى شارع نلف و نمشى من شارع تانى. لية مش حاسيين بالامان فى بلدنا. لية بقينا نخاف نمشى فى الشوارع و الدنيا حتى مش ليل. لية كدة لية نتحرم اننا نمشى واحنا مطنين. لية لو واحد عكسنا بدل ما نبهدلة نقول الحمدللة انوا عاكس بس لية وصلنا للدرجة دى من الاهانة و الخوف لية محدش مقدر شعور واحدة ماشية وخايفة مرعوبة كمان لحسن واحد كلب يعملها حاجة و يقولوا دى هى السبب شوفوا لبسها. عمرنا ما هنعرف نحب بلدنا طول نا احنا خايفين و احنا ماشيين فيها. لية حياتنا بقت كلها رعب لو حد عرف لية يا ريت يقولى

بنت فى مجتمع شرقى

علشان انتى بنت فى مجتمع شرقى مينفعش تتكلمى بصوت عالى. علشان انتى بنت فى مجتمع شرقى مينفعش ترجعى متأخر حتى لو كان شغلك كدة. علشان انتى بنت فى مجتمع شرقى اى حد مهما كانت صلة قرابتة بيكى حقة يدخل فى ادق تفاصيل حياتك الشخصية. علشان انتى بنت فى مجتمع شرقى لازم رأى اخوكى اللى يمشى على رأيك حتى لو كنتى اكثر دينا و عقلا من اخوكى. علشان انتى بنت فى مجتمع شرقى لازم تتجوزى قبل ما تكملى 30 سنة والا هيتقال عليكى عانس فشلة حتى لو كنتى ناجحة فمجالك اصل انتى بنت فى مجتمع شرقى يعنى الست مفيهاش غير بيتها و جوزها. علشان انتى بنت فى مجتمع شرقى مهما كانت نسبة نجاحك محدش هيقدرها لو انتى مش متجوزة. علشان انتى بنت فى مجتمع شرقى لازم حياتك تتربط بحياة حد بيتحكم فيكى مينفعش ابدا تبقى صاحبة قرار نفسك والا تبقى ملكيش كاسر ومحدش هيقربلك. علشان انتى بنت فى مجتمع شرقى لازم تضيعى نص مرتبك تكسيات علشان لو ركبتى وسيلة مواصلات عامة الف كلب هينهش فيكى. علشان انتى بنت فى مجتمع شرقى لو ميشتى بمطوة هيقولوا عليكى مفكيش انوثة ولو حسيتى بأنوثتك اللى ربنا مديهالك يقولوا عليكى محسوكة و مايصة. علشان انتى بنت فى مجتمع شرقى مش من حقك تغلطى ولو غلطى ملكيش توبة مع ان ربنا نفسة بيقبل التوبة. علشان انتى بنت فى مجتمع شرقى لازم تمشى فى الشارع خايفة من كل اللى حواليكى. علشان انتى بنت فى مجتمع شرقى مينفعش تنزلى تعبرى عن رأيك فى الشارع دا انتى بنت واى حد ممكن يهتك عرضك و يركب اهلك العار. علشان انتى بنت فى مجتمع شرقى مش عارفة تحققى كيانك فى مهنتك اصل مدير الشغل كلب من ضمن الكلاب اللى عايزة تنهش فيكى. علشان انتى بنت فى مجتمع شرقى مينفعش تحبى ايش ضمنك ان اللى بتحبية دا ميطلعش كلب من الكلاب السعرانة. علشان انتى بنت فى مجتمع شرقى لو جوزك مات وانتى اتجوزتى تبقى انسانة شهوانية ومش همك جوزك اللى مات مع ان ربنا محرمش انك تتجوزى بالعكس. علشان انتى بنت فى مجتمع شرقى بيتحكم عليكى انك شمال لمجرد انك واقفة مع واحد بلليل و هو ممكن يكون اخوكى او ابن خالتك و الناس يعينى متعرفش ما انتى الغلطانة واقفة لية منغير متكتبى ناشرة مين اللى انتى واقفة معاة. علشان انتى بنت فى مجتمع شرقى لازم تحبى قاعدة البيت اصلها مقررة عليكى. علشان انتى بنت فى مجتمع شرقى بيقولوا عليكى ناقصة عقل و دين. علشان انتى بنت فى مجتمع شرقى مينفعش يبقى ليكى رأى غير اهلك والا تبقى متمردة و غريبة الاطوار. علشان انتى بنت فى مجتمع شرقى مينفعش ترفضى العريس اللى عندة شقة و عربية وتتجوزى واحد بتحبية لسة بيكون نفسة و الا تبقى غاوية فقر و بتكسرى كلام اهلك. علشان انتى بنت فى مجتمع شرقى كل اللى ممنوع عليكى مسموح لاخوكى لانة ولد فى مجتمع شرقى. مجتمع بيعتبر البنت كائن اقل من الولد فى الحقوق و اكتر بالضعف فى الواجبات. علشان انتى بنت فى مجتمع شرقى مهمتك الاساسية هى تسكين الكائنات الذكورية وتربية العيال و لازم كمان تجيبى فلوس تساعدى بيها فى مصاريف البيت و الا تبقى مش متعاونة و تنامى بلليل زى القتيلة من التعب. علشان انتى بنت فى مجتمع شرقى بيعملوكى فى البيت كأنك بضاعى منتظرين اللى يجى يشتريها. علشان انتى بنت فى مجتمع شرقى لازم تنفذى رغبات كل الناس الا نفسك. علشان انتى بنت فى مجتمع شرقى مينفعش تعيشى باختصار شديد وجودك غير مرغوب فية.    

دماء على النيل

.ادهم دكتور حديث التخرج لسة دفعة السنة اللى فاتت راح يستلم التكليف. ادهم:شوفتى يا ماما التكليف طلع فين. ماما:فين يا ادهم قريب ولا بعيد. ادهم:صراحة هو بعيد شوية. ماما:فين يعنى فى المعادى. ادهم:لا ابعد فى اسوان. ماما:هار اسود فين لا لازم تعتزر عن التكليف دا. ادهم:اعتزر اية بس ياماما مينفعش وبعدين دا فى اسوان على النيل عيشة فل يعنى وهبقى اجى اجيلك كل اسبوع. سافر ادهم وخد شقة صغيرة فى اسوان بس على النيل. طبعا الحياة فى اسوان مش زى الحياة فى القاهرة مفيش كافيهات مفيش قهاوى بليل من بعد الساعة 9 محدش فى الشارع. كانت تسلية ادهم الوحيدة انوا يقف فى الشباك ويتفرج على النيل. ادهم:انهاردة الخميس ويك اند ولا لية اى لازمة فى اسوان بس اهو بردوا بكرة اجازة اسهر بقى اتفرج على النيل و لو حد بيتمشى علية. روح ادهم حضر الغدا واكل وريك شوية وقام فتح التلفزيون مفيش حاجة اقلب مفيش بردوا طب خلاص بقى اقوم اقعد فى الشباك شوية. قام ادهم يمارس هوايتة انة يقعد فى الشباك يتفرج على النيل و اهل النيل. و فاجأة شاف حاجة غريبة اوى مش من العادة ان اسوان و المفروض انها بلد صعيدية واهلها صعيد تحصل فيها الساعة 3 الفجر وفى بنت بتتمشى على النيل بس اللى لفت نظرة اكتر ان البنت بجد جميلة شعرها اسود وواصل لحد اكتافها مش ناعم اوى بس انسيابى جميل سمرا زى النيل عنيها لون النيل. لابسة فستان روز زى فساتين الاسكندرنيين القديمة مفتوح من ناحية اليمين لحد ركبتها تقريبا. ازاى البنت دى جميلة كدا كان ادهم مستمتع وهو بيتفرج عليها وعلى رجليها وهى مبلولة من مية النيل وفجأة البنت بصت ناحية شباك ادهم وضحكت ادهم اتخض و انبسط و حب يكلمها لبس ونزل راح ناحية ما شافها ملاقاش حد خالص ولا حتى شاف علامات رجلين حد على الطمى و الطين استغرب ورجع البيت. تانى يوم فى الشغل ادهم حكى لرامى صاحبة عن اللى حصل رامى ضحك وقالوا تلاقيها جنية البحر وقعد يضحك ادهم ضحك بس من جواة اتضايق. سكت واشتغل وخلص شغلة وروح ونسى الموضوع بس لا اراديا يوميها مقعدش فى الشباك قعد طول اليوم يتفرج على التفزيون. الساعة 4 الفجر مفيش حاجة فى التلفزيون. ادهم:اية الملل دا اعمل اية هطلع اقعد فى الشباك اتفرج على النيل. قام ادهم قعد فى الشباك عمل كباية شاى نص ساعة قدام امواج النيل الخفيفة الجميلة نص ساعة وبعدين ظهرت تاتى بس الغريبة انها كانت بنفس الفستان ونفس التربونة ورجليها المبلولة من مية النيل بس المرة دى ادهم قرر انوا مش هينزل يروحلها وهيتفرج بس هى ماشية ماشية و فجأة جة راجل من وراها و شدها من شعرها و قعدوا يضربوا فى بعض و ادهم مبيعملش حاجة غير انوا بيتفرج. بيضربها لحد ما الدم نزل من وشها وراح مطلع سكينة و ضربها اه ضربها فى بطنها صرخة صرخة خلت احمد هيتجنن يعمل اية يروح ينقذها ولا يتفرج وقرر احمد انوا يروح ينقذها خرج بسرعة من باب البيت منغير حتى ما يلبس. بس المفجأة انوا المرة دى كمان ملقاش حاجة اى حاجة حتى مفيش اثار دم. رجع ادهم البيت وهو هيتجنن. ادهم:تكونش دى جنية فعلا اية الهبل اللى أنا بقولة دا دا أنا هلسع بالطريقة دى. راح ادهم شغلة اشتغل قتل نفسة فى الشغل رجع البيت نام زى القتيل بس صحى بدرى اوى عن معاد الشغل صحى الساعة 3 بليل. ادهم:هحاول انام مش هينفع كدة عندى بكرة شغل. عدت نص ساعة وهو مش عارف ينام فهم فهم ان فى حاجة لازم يعملها كان بيقنع نفسوا ان كل دى تهيؤات بس لااراديأ قام عمل كباية الشاى و قعد فى الشباك على النيل. عدت نص ساعة ومحصلش حاجة هدى شوية و ابتدا يدندن و يغنى وهو بيشرب الشاى. وفجأة ظهرت البنت تانى وبتتمشى بنفس الطريقة لابسة نفس الفستان و التربونة بس المرة دى كانت احلى من كل مرة بس عنيها عنيها كانت بتنزل دموع دى بتعيط. ادهم قرر ان لو الدنيا اتقلبت المرة دى مش هيتحرك من كمانة. فجأة طلع الراجل وراها و اتخنقوا نفس الخناقة وضربها بالسكينة بردوا زى المرة اللى فاتت بس المرة دى ادهم قرر ميتحركش من مكانة ويشوف الحكاية اخرها اية. طعنها الراجل اكتر من تلات طعنات وقعت فى الارض من كتر النزيف راح شايلها من الارض ومشى ناحية النيل فضل ماشى لحد ما رماها فى النيل و طلع ومشى. ادهم كان هيتجنن من اللى شافوة بيلف وراة علشان يدخل ينام وفاجأة لقاها شافها واقفة قداموا شعرها بينقط ماية هدومها مبلوبة كل حاجة فيها بتنقط ماية كأنها لسة طالعة فورا من الماية و جرحها بينزف. ادهم فضل واقف مكانة كأنوا صعكتوا الكهربا. فضلت تعيد فى نفس الكلمة طلعنى طلعنى طلعنى. وعنيها مش بتوقف الدموع منها. ادهم بيرمش وفجأة ملقهاش اختفت زى كل مرة. ادهم شغل قرأن فى كل حتى فى الشقة بس بردوا صورتها مرحتش من بالة. مش خوف قد ما هو استغراب و تسأؤل. تانى يوم فى الشغل ادهم سأل صاحبة إذا كان فى حد اختفى من فترة او غرق صاحبة قالة اه كان فى بنت اسمها قمر وكانت قمر فعلا كل البلد كانت بتحبها غرقت فى الحتى اللى انت بتقول عليها دى من كام سنة. ادهم:طب وغرقت لية ومين اللى غرقها. صاحبة:اللة واعلم بس بيقولوا انتحرت. خلص ادهم شغل وروح وهو حاسس ان البنت اللى بيشوفها دى قمر. المرة دى مرحش للشباك غظب عنوا دا بارادتة وهو عايز يعرف اية اللى هيحصل. ساعة تعدى وتعدى التانية مفيش حاجة دخل ادهم ينام لاقها قاعدة على السرير و البردوا جسمها وهدومها وشعرها بينقطوا ماية. طلعنى طلع قمر طلعنى طلع قمر. دا كان كلامها مش بتقول غيرة جة ادهم يقرب منها النور قطع و بعد دقيقة جة النور بس ادهم ملقهاش بس المرة دى ادهم اتأكد انوا من بيتهيألوا دليلوا ان السرير كان مبلول من ماية شعرها. نام وهو بيعيط لانوا مش فاهم اية اللى بيحصلوا و لأنوا بشكل او بأخر فى حاجة بتربطوا بيها فى حاجة بتربطوا بقمر. صحى بعد نص ساعة بس نوم علشان يروح الشغل. راح واول ما شاف صاحبة حكالة قالة انت لازم تسيب الشقة دى الشقة دى مسكونة بينها يا عم انفد بجلدك. ادهم: مش قبل ما اعرف اية الحكاية و مين اللى قتل قمر و رماها فى النيل. صاحبة:هى كانت من بقيت عيلتك يا عم. ادهم:عندك حق بس فى حاجة جوايا عايزانى اكمل للأخر. روح ادهم وهو مستنى يشوف اية اللى هيحصل انهاردة فضل طول اليوم مفيش حاجة حصلت دخل ينام بس قرر ياخد حمام سخن قبل ما ينام دخل الحمام غسل وشة وراح ناحية البانيو. لقاها ايوة هى نايمة فى البانيو وهو مليان ماية. ولأول مرة ادهم يتشجع. ادهم:قمر انتى عايزة منى اية. قمر:طلعنى يا ادهم طلعنى. ادهم:يعنى اية اطلعك؟! غاصت قمر و اختفت كأن الارض اتشقت وبلاعتها. قعد ادهم مزهول من اللى عملوا و بيعيط بهستريا. ادهم:هى عايزة منى اية اعمل اية يا ربى اعمل اية. حياة ادهم اتقلبت جحيم مبقاش يروح الشغل الناس بتقول علية اتجنن. هو فعلا قرب يتجنن بقى يحب يشوفها و بقى يستناها ساعة يشوفها داخلة الحمام عندوا فى البيت و ساعة يشوف نفس احداث قتلها و ساعة يدخل يلاقيها نايمة على السرير وتقولة نفس الكلام. طلعنى طلعنى يا ادهم. و فى يوم ادهم رايح المشوار الوحيد اللى بيروحة يجيب سجاير فجأة شاف اخر حاجة كان ممكن يتوقعا. مشفهاش هى بس شاف الراجل ايوة الراجل اللى بيشوفة بيقتلها كان قاعد على القهوة اللى جمب الشغل. ادهم لصاحب الكشك:مين الراجل دا وانبى قولى. صاحب الكشك: دا خضر صاحب محل بقالة جمبنا. ادهم:طب هو لية بنت او اخت اسمها قمر. صاحب الكشك:لاع يا بية دا كان هيتجوز بت اسمها جمر بس البت كان ابوهﻻ غاصبها فهربت ليلة الفرح وفى اللى بيجول رميت نفسها فى النيل و فى اللى بيجول انها هربت على مصر. ادهم:لا يا عم الحج قمر ماتت. روح ادهم البيت وهو خلاص فاهم قمر عايزة منوا اية بس مش عارف يعمل اية. وهو قاعد فى البيت بص ناحية الشباك لقاها واقفة جة يروح ناحية الباب لقاها واقفة على الباب. قمر:مش خايف. ادهم:لا يا قمر بس انتى عايزة منى اية. قمر:عايزاك تحلق دقنك و تطلعنى. ادهم:اطلعك منين يا قمر. قمر:من مطرحى فى الماية. ادهم:وبعدين اعمل اية. قمر:تجيبوا مطرحى. ادهم:هو مين دا. قمر:انت عارف هو مين. و اختفت قمر و قعد ادهم يفكر يعمل اية. اول حاجة راح ناحية الماية قلع التيشرت ونزل الماية فضل يعوم لحد ما غوط جدا و ابتدا يخاف بس كمل لحد ما لاقاها او لقى جثتها بنفس الفستان و التربنا شالها لحد ما وصل للبر. حطها على الارض و قعد يعيط وهو باصص لجمالها واللى راح. فضل يحفر فى الارض لحد ما دفنها. ادهم:حلصت اول طلب يا قمر ناقص طلب و خلاص. تانى يوم حلق ادهم دقنة و رجع الشغل و بعد الشغل مرجعش على البيت راح على القهوة فضل قاعد لحد ما جة خضر جة. ادهم:اتفضل معايا يا عمهم. خضر:انت تعرفنى. ادهم:ومين ميعرفش خضر تعالى اقعد معايا. خضر راح قعد معاة اتكلموا فى اى حاجة و بعدين ادهم سألوا تعرف حاجة عن قمر. خضر:وانت تعرف قمر منين. ادهم:دى اسرار يا عم تعالى فى العنوان دا بكرة الساعة 9 وانا اقولك منين. رجع ادهم البيت وهو مش عارف هيعمل اية بعد كدة بيبص على التربيزة لقى ........لقى السكينة اللى اتقتلت بيها قمر عليها دم. و سمع صوت قمر وراة. قمر:عرفت لازم تعمل اية. ادهم:عايزانى اقتلوا يا قمر. قمر:اه زى مقتلنى. المرة دى ادهم اول مرة يمسك ايد قمر. ادهم:قمر مبلاش من كل دا. قمر:لازم علشان تخلص منى تسمع كلامى. ادهم:أنا مش عايز اخلص منك انااا. وقبل ما يكمل الكلام كانت قمر اختفت. الساعة 9 خضر بيخبط على الباب. ادهم فتح اتفضل يا خضر. خضر دخل خضر:اية بقى مش هتقولى عايز اية. ادهم:قتلت قمر لية. خضر:انت مجنون يا عم انت قمر مين اللى قتلتها قتلتها قمر هربت منى يوم فرحنا. حكالوا ادهم كل تفاصيل الجريمة. ابتدا خضر يعيط بانهيار و يقولة هى السبب هى اللى هربت. خضر شاف السكينة جرى عليها علشان يقتل ادهم. خضر:لازم تموت زيها جرى منوا ادهم نط من الشباك ناحية النيل نط وراه خضر و قبل ما يضربوا ظهرت قمر فجأة واقفة على الماية. خضر من الخضة رما السكين مسكها ادهم بسرعة و ضربوا اول ضربة وجروا ادهم و قمر ناحية النيل و رموة وموا وراة السكينة. طلع ادهم من الماية و هو مش مصدق كل اللى حصل دا. دخل البيت لقى قمر قاعدة بس المرة دى مش مبلولة. قمر:خلاص مش هتشوفنى تانى شكرا بحبك. واختفت قمر للأبد. وادهم بيعيط. رجع ادهم مصر ونسى مع الوقت اللى حصل بس كان ديما يروح اسوان يبص على النيل و يشوف قمر وهى بتتمشى بلليل و تبصلة وتضحك ضحكتها الجميلة و بقت شئ اساسى فى حياة ادهم اللى اتغيرت 180 درجة ومع الوقت زياراتة لأسوان قلت لحد ما الموضوع فضل مجرد سر مدفون فى حياة ادهم سر عمر حد ما هيعرفة.                              

التطهير قبل التصالح

.المصالحة بين الشعب و الشرطة شئ جميل بس على اساس اية يحصل مصالحة اى مصالحة منغير تطهير ملهاش اى لازمة. يعنى مع اختلاف المثل طبعا واحد جارى كل يوم يضربنى و يسرقنى و بعدين جة واحد تانى بقى يضربكوا انتوا الاتنين فا اتفقتوا علية و اتصلحت على جارك الاولانى تضمن منين انوا مش هيرجع يضربك تانى! اللى بقولة دا مش تحريض بالعكس بس مش عايزين نؤكل لما يؤكل الثور الابيض. دلوقتى تبقى الحلول واحد اتنين تلاتة. 1:تغير العقيدة و التطهير من القتلة و السفاحيين. 2:احترام ادمية المجرم زى ما بتحترم ادمية البرئ. 3:الداخلية مش اداه للنظام الداخلية اداة فى يد الشعب. لما تطبق التلات مطالب دول و اعتقد مفيش اسهل منهم يبقى نبتدى صفحة جديدة وننسى مضيكوا اللطيف معانا. انما يحصل تصالح ظاهرى وترجع ريما لعديتها القديمة يبقى معملناش حاجة وهترجع تانى الدولة الامنية و انتهاك الادمية و سجناء الرأى وهيرجع الشعب يكرة المؤسسة تانى. مفيش اسهل من ان الشعب و الداخلية يتصالحوا بس بشروط الشعب و احترام الشعب و رغبة الشعب. عيش حرية عدالة اجتماعية كرامة انسانية :-) 25 يناير هى ثورتى المجد للثوار الثابتين على الافكار 

المجد للنضال

النضال قيمة. النضال ضد الظلم هدف فى حد ذاتة مش وسيلة للوصول لهدف فبالتالى لو اللى انت بتناضل عشانة متحققش يكفيك فخرأ انك ناضلت علشان هدف نبيل. محاربة الرأسمالية نضال. محاربة الظلم نضال. محربة العنصرية نضال. حارب الفقر العنصرية حارب الظلم و الفقر حارب كل شئ قبيح وبدلة بشئ جميل. النضال مش محتاج رصاص و بنادق واسشهاد بس النضال انك تحارب علشان تحقق الحاجة اللى نفسك فيها. جيفارا كان بيناضل علشان الشعوب تاخد حريتها طبعا الهدف النبيل دا متحققش كلوا بس اتكتب اسمة بحروف من دهب كمناضل للحرية. الحسين كان بيناضل علشان الدولة الاسلامية ميبقاش فيها توريث وللاسف بقى فى توريث بس الحسين اتكتب اسمة بحروف من نور فى التاريخ. غندى كان بيناضل علشان السلام يعم على البشرية طبعا السلام معمش بس غندى تقديرة فى قلوب الناس. يبقى كل واحد لازم يؤمن ان النضال بأمكان كل الناس بس حاول وهيتكتب اسمة فى التاريخ. المجد للنضال 3>

العقاب المجتمعي

اي مجرم لازم يبقى لى جزاء بس المشكلة هل الجزاء دا هيصلح حالة ولا هيحولة لمحرم اشرس و ابشع .

السجن هو العقاب الى بياخدة اي مجرم بس لو افتردنا حالة واحد حرامي سرق مرة واحدة علشان يأكل عيلته دخل السجن يقضي العقوبه ليقابل مجرم متمرس هيحولة تلقأيآ لمجرم متمرس .

اختلاط السارق بلقاتل بلنصاب بيخليهم يخدوا خبرات اجرامية .

وهاكذا يصبح اختلاتهم خطأ كبير في حق المجتمع .

و طبعا مينفعش المجرم يبقي بدون عقاب .

بس ممكن يبقي في عقاب مجتمعي يعني شخص سرق الف جنيه يرد الالف جنية و بعدين يشتغل بأجر رمزي لحد ميسدد المبلغ تاني للدولة .

نبقي وفرنالة عمل و عقبناه و وفرنة فلوس للدولة و خدمنة المجتمع و منعناه ينخرط في عالم الجريمة و بدل ما يتحول لشخص صالح .

يبقي نشوف شكل قانوني للموضوع ده بحيث يبقي قانوني و يفيد المجتمع و الناس        تمت.