محمد منير (الكينج) يطلب يد فرح يوسف مشتركه اراب ايدول للزواج. العنوان دا هتلقيه منتشر جدا اول ما تعمل سرش على الكينج على النت. فرح يوسف سألت الكينج سؤال ذكى عن موقع الانثى من حياه محمد منير. فتهرب الكينج بلباقته المعروفه. ثم سأل فرح يوسف عن سنها فقلقت انها ممكن تكون عملت حاجه غلط او ضايقت الكينج. ثم اجابت فى قلق ثلاثه و عشرون. فضحك الكينج. و قالها يا خساره كنت عايز اتجوزك و اخدك معايا مصر. طبعا الكينج كان بيهزر بس احنا بقى بنقول ليه لا ليه الكينج ميتجوزس علشان زى ما بيفرحنا هو كمان يفرح و جمهوره كلوا يفرحله و يفرح بيه. 

.المجتمع الذكورى عايشين فيه من مئات السنين اختفى من العالم كلوا بس عايش عندنا اصلو عاجب الناس عندنا بس طبعا مش كل الناس أنا ضد التعميم فى اى حاجه بس مش هقدر اقول ان اللى عاجبهم المجتمع الذكورى مش اغلبيه. المجتمع الذكورى بيتلخص عند اغلب الناس فى المجتمع فى كلمه واحده. ”ممتعمليش كده علشان انتى بنت“ ليه مبتقولوش متعمليش كده علشان دا حرام هو الحرام بيفرق بين الولد والبنت. لازم كل المجتمع يعرف ان احنا مش حته لحمه بيجروا وراها. احنا لحم ودم وقلب وعقل زيكم بالظبط. مفيش بنا غير الاختلاف البيولجى بس. الناس بتلوم على الفيمينست قبل متلوموا على الفيمنست لوموا على الذكوريه اللى خلتهم يخدوا خط دفاع. كلمه علشان انتى بنت هى سر تخلف اى شعب. ”علشان انتى بنت مينفعش ترجعى متأخر بس الولد يرجع متأخر عادى. علشان انتى بنت مينفعش تشتغلى الشغلانه الفلانيه بس الولد يشتغلها عادى. جمل ليها مفعول الشلل الرهيب. مفيش مجتمع هينجح وهو بيقول علشان انتى بنت وعلشان انت ولد. غير بقى القرف اللى بنشوفوا من تبريرات لتعدى على اى بنت لمجرد انها موجوده فى المكان الفلانى. و كأننا مش من حقنا نروح اى مكان احنا عايزينوا لمجرد ان احنا بنات. ممنوع نتواجد فى الزحمه و التجمعات علشان محدش يعملنا حاجه ولو روحنا يبقى احنا اللى بنشجع الناس تتحرش بينا. نتحرم ان احنا نخرج فى الاعياد او المناسبات علشان ميتعملش علينا حفله. مجتمع بالشكل دا نعيش فيه ازاى. نعيش ازاى واحنا بنتلام ان احنا خرجنا من البيت نعيش ازاى فى مجتمع بيقول على البنت مش كويسه لو شافها ماشيه لوحدها بعد الساعه عاشره مش جايز راجعه من درس او من الشغل او مش راجعه من حتى وانت مال اهلك تدى لنفسك مبرر انك تلمسها علشان هى ماشيه متأخر !!!!!! نعيش ازاى وسط القرف دا الوضع دا لازم يتغير فى اسرع وقت ولا احنا ممكن نتحول لجوارى المجتمع الذكورى يبيع ويشترى فينا. احنا عمرنا ما هنسيب نفسنا نبقى سلعه و بضاعه فى ايد الذكور. الكلام هيتغير لان احنا اكتر من نص المجتمع بكتير. لان احنا الام و الاخت و الزوجه و البنت. وغير كل دا احنا انسان انسان انسان انسان.