فيلم دنيا

امبارح كنت بتفرج على فيلم مش جديد بس اول مره اشوفه. فيلم دنيا بطوله حنان ترك و الكينج محمد منير. الفيلم فيه حاله رائعه من العشق الصوفى و السمو بالروح و فنفس الوقت بيتكلم عن قضايا اجتماعيه مهمه اوى وهى ختان الاناث و اللى بيسبب برود جنسى بعد كده. و متاعب نفسيه كتير جدا. استغربت لما عرفت ان فيلم رائع زى دا مقعدش فى السنيما غير اسبوع. و استغربت اكتر لما عرفت انوا للكبار فقط و ان الناس واخده فكره عنوا انه فيلم ملئ بالمشاهد الساخنه مع ان فيلم احكى يا شهر زاد فى مشاهد ساخنه اكتر منوا بس على الاقل فيلم دنيا المشاهد متوظفه صح ماعدا مشهد واحد هو مشهد الكينج منير (دكتور بشير) مع جمالات صاحبه البانسيون. الفيلم باختصار بيحكى عن دنيا (حنان ترك) بنت صعيديه بتدرس الشعر العربى شعر الحب و الرغبه و بتتعلم الرقص لتكون راقصه زى مامتها وهى تعانى من مشاكل نفسيه بسبب عمليه الختان و شديده الاعجاب بالدكتور بشير (محمد منير) استاذها فى الشعر الذىيكبرها بعشرين عاما لكن لم تخبر اى احد عن حبها ليه ولا حتى لنفسها بسبب الاعتبارات الاجتماعيه وفرق السن بينهم. الدكتور بشير مفكر و فيلسوف صوفى جرئ فى افكاره اتعرض للهجوم من قبل متطرفين بسبب دفاعه عن كتاب الف ليله و ليله وهذا الهجوم تسبب فى فقضان بصره ولكنه بسرعه بدأ يتأقلم مع وضعه الجديد. و تتولى الاحداث فيطرد دنبا لانها ستتزوج بحجه ان لديها مشروع اهم من الزواج ولكن الحقيقه انه هو الاخر يحبها ولكن لا يصرح لاحد. تتزوج دنيا من ممدوح(فتحى عبد الوهاب) الذى يحبها بشده وهى توهم نفسها انها تحبه ولكن زواجهم يفشل بسبب اتهامه لها بالبرود الجنسى. وتتركه دنيا وتعود للدكتور بشير وتحرر جسدها وترقص بروحها..............