يا بنت ياللى

طبعا كلنا عارفين اغنيه يا بنت ياللى بتاعه الكينج منير. بس مفيش ناس كتير تعرف معنى الاغنيه او مقصدها. الاغنيه ببتكلم عن اسطوره من التراث المصرى. اسطوره فارس. فارس دا كان شاب فى عز شبابه و قوته بيحب بنت اسمها جميله بس جميله كانت من عائله غنيه كانوا الاتنين من جنوب مصر. فارس راح اتقدم لجميله رفضوه. ولما جميله الحت عليهم و شافوا الحزن فى عنيها. وافقوا لكن بشرط انوا يجبلها شبكتها مجوهرات لا يوجد لها مثيل على وجه الارض ولا توجد الا فى بلاد الهند. وتوجد عند ملك جبار لا يعطى منها احدا. و الفتره المحدده علشان يجيب المجوهرات هى الفتره التى تغزل فيها جميله قفطانه. ظلت جميله تغزل كل ليله وهى منتظره. إلى ان اوشكت على الانتهاء. فانتابها الخوف من ان تنتهى من الغزل فيحرموها من حبيبها إلى الابد. فعزمت على المحاربه من أجل حبها ولاكن على طريقتها. فكانت تغزل طول الصباح وتحل الخيوط التى غزلتها فى الليل. واستمرت جميله نغزل فى الصباح وتحل فى الليل وهى منتظره فارس وهو لا يأتى ولم يعرف للاسطوره نهايه. وكلمات الاغنيه بتقول. يا يا بنت يالى بتغزلى قفطانه غزل الصبح ليه عالليل تحلى خطانه. يا يا غنوه خايفه تغانى يا طيرى اللى هارب منى. واحشانى عنيكى تحكى وتكلمنى دى الدنيا الجميله بتهل لما تهلى يا حلوه بريئه دا الزمن بيفوت لو طال انتظارى دى الحقيقه تموت ^____^

ثوار مصر

.محمود بدر. كلمه السر اللى جذبت ملايين المصريين ونزلتهم الشارع. مين محمود بدر ؟. محمود بدر شاب ثورجى عنده 28 سنه قدر يحرك 33 مليون مواطن مصرى. محمود بدر مؤسس حركه تمرد صاحب فكره النزول يوم 30/6 اللى غيرت حياتنا وبينت الاخوان على حقيقتهم. محمود بدر اللى كان بيقول يسقط يسقط حكم العسكر هو اللى تعاون مع قائد الجيش لان الجيش الوحيد اللى كان يقدر يخلصنا من الاخوان. محمود بدر اللى انتخب مرسى علشان منرجعش نظان مبارك هو اللى اخترع النظام السحرى للتخلص من مرسى. محمود بدر اللى مفيش اتنين من الثوار ممكن يختلفوا عليه. محمود بدر مرضاش ياخد اى منصب فى الدوله الا لو كان بالانتخاب. محمود بدر. مفيش عليه غبار ولا حد يقدر يتكلم عليه لانه ببساطه بطل والناس العديين مش مفروض يتكلموا على الابطال. ولو الثوره ليها قائد احسن واحد يبقى قائد ليها هو محمود بدر. محمود بدر طالب بتعيين البردعى فى الحكومه لانه عارف انوا ليه رؤيه فى تطهير الداخليه. مع انوا مزعل البنات منوا خالص ليه يتطلع خاطب ها ليه حرام كده طب البنات الثورجيه يولعوا فى نفسهم يعنى ^_______^ ربنا يوفقه ويحميه هو و كل ثوارنا احمد دومه خالد تليمه نواره نجم وغيرهم كتيير

حماية الثوره

.لازم نحمى الثوره. هنحميها من ايه ؟ طبعا دا سؤال ممكن اى حد يسألو. الاجابه:هنحميها من ان حد يسرقها تانى او حد يركابها تانى ويزحنا من السكه زى ما الاخوان عملوا المره اللى فاتت. احنا الثوار الحققيين و ثورتنا ليها اهداف معينه لازم نحققها واحنا اللى نحققها مش حد تانى ولازم نكون فاهمين دا كويس. . . . . . . . . . . طب هنحميها ازاى ومن ايه ؟ دا بردوا السؤال المهم الاجابه : نحميها ازاى باننا منسيبش الميادين ونسبها للسياسين يخربوهلنا. لو حصل اى خطأ منقولش خلاص ومش مهم لا ننزل ونملى الميادين ومنروحش غير لما اللى عايزينوا يتحقق منكسلش ونقعد فى بيوتنا زى الفرخه الشمورت. نحميها من ايه بقى نحميها من الفلول اللى طول عمرهم ضد الثوره ووقفوا معانا بس علشان مصالحهم. وزى ما نضفنا ثورتنا من الاخوان لازم ننضف ثورتنا من الفلول. وتفضل ثورتنا. . . . . . . . . . . لازم نفضل عيش حريه عداله اجتماعيه كرامه انسانية. لازم يفضل الفقراء اولا ولازم يفضل الانسان اولا. . .. . . . . . . . . ولازم نعرف ان طول ما الداخليه ما اتهيكلتش هى بردوا مش معانا هى معانا علشان مصلحتها بس زيها زى الفلول لازم نفرق بين مين معانا و مين واقف معانا علشان مصلحتوا. اللى علشانا يقعد واللى علشان مصلحتوا يخلع بقى. . . . . . . . . وفى النهايه احب اقول يسقط كل من خان عسكر فلول اخوان

النداهه

.قصص وحكايات كثيرة تدور حول النداهة، معظمها أسطوري، ولكن البعض منها حقيقي وحدث بالفعل، حسبما يؤكد هؤلاء الذين التقوها أو صادفوها بحياتهم، وهم بالطبع عجائز الآن، ومنهم الحاج عبد الخالق محمد، ويقترب عمره من التسعين الآن حيث يقول :التقيت النداهة زمان، وقتها لم يكن هناك بالقري نور،وكان الظلام الحالك يلف كل شيء في البلدة مع حلول المغرب،وأتذكر حينها اننى كنت ذاهبا مع زوجتى إلى فرح احد الأقارب، وتأخرنا هناك وعدنا في وقت متأخر، وفي طريق العودة ، وكنا نمر بجوار ترعة ممتلئة بالماء والظلام حالك، فوجئت بصوت امرأة ينادى من خلفي بأسمى، التفت لأجد امرأة جميلة في العشرينات من عمرها ،كانت جالسة بجوار الترعة، وبرغم الظلام إلا أن ملامحها كانت واضحة تماما، وجدت نفسي ذاهبا إلى حيث هى جالسة، بالقرب من الترعة، وهنا انتبهت زوجتى وصرخت، وايقظنى صوتها الصارخ، من حالة التوهان والاستسلام الغريب للنداهة التى قالت وهى تختفي في الماء: يوما ما ستكون لى، ثم ضحكت ساخرة وهى تقول لزوجتى: لقد انقذتيه منى لكنى سآخذه منك.

كما تدور الروايات، يمكن أن يقتصر ضرر النداهة على الجنون، في حين أنها يمكنها التشكل بأكثر من شكل وأكثر من حجم لنفس الشكل ومن الطرق التي يمكن قتلها بها هي ذكر الله ورش الملح عليها، مع عدم النظر إلى وجهها وعدم الرد على ندائها ولقد ظهرت العديد من القصص والحكايات حول موضوع النداهة بالإضافة إلى أحد الأفلام العربية الشهيرة.

ليس بالضرورة أن يموت الشخص في اليوم التالي أو يصاب بالجنون بشكل كامل، فقط يحدث ما يمكن أن نقول عليه بعض الهلاوس النفسية كأن تجد الشخص يتحدث مع نفسه ويبدأ بالتردد كثيرا على التجول داخل الأراضي الزراعية، ومن الصعب عليك تعقبه ومعرفة أي الأماكن التي يذهب إليها بالتحديد.

يقال أيضا عن تلك الأسطورة أن النداهة أحيانا تقع في حب أحدهم وتأخذه معها إلى العالم السفلي وتتزوج منه، وفي هذه الحالة يختفي الشخص كليا ويظهر بعدها فجأة إلا أنه يتوفى، بعد ذلك ويقول البعض أن وفاته هي بسبب أنه تخلي عن عالمها السفلي وعنها وتنتقم هي منه بقتله خوفا من كشف أسرار عالمها، لذلك يموت البعض في اليوم التالي أو يصاب بالجنون أو يختفي تماما.

ا

مشاكل

1. .المشاكل. . . . . . كلنا بتواجهنا مشاكل بس ازاى نواجهها هى دى المشكله أنا بواجه مشاكل تعاملى معاها مش كويس أنا سلبيه مع المشاكل و مبحاولش اعالجها بحاول اهرب منها علشان محسش بيها بس فى الاخر باجى الاقيها كلها فى وشى مش بعرف اتصرف. و علشان كده اوحش حاجه الواحد يعملها مع المشاكل انو يهرب منها. لان اللى بيهرب مسيروا بيتأفش بقى. وادينا شوفنا اللى هربوا من المشاكل حصلهم ايه. وكمان لازم نعرف اننا لو كبرنا حجم المشاكل عمرنا ما هنعرف نحلها ابدا تصور كده عندك امتحان و من كتر خوفك من المواد مش هتقدر تفتحها والله انما لو قلت دى مذاكره يعنى ونذاكرها هتلاقى نفسك بتذاكر عادى. وفى نفس الوقت مينفعش نصغر المشاكل يعنى نفضل نأجل المذاكره ليله الامتحان لحد ما ننام و منكنش ذاكرنا حاجه. ملاحظه (المذاكره هنا مجرد مثال مش اكتر) يعنى لا نقلل حجم اى مشكله ولا نزودها بردوا علشان فى الحالتين هنتعب جدا و فى نفس الوقت مهربش منها لان المواجهه جايه جايه 

عزيمه و اراده

• .دلوقتى هنعمل ايه لو بيان السيسى طلع مخيب للامال. . . كلنا متأملين خير طبعا فى بيان السيسى. بس افرض البيان طلع مخيب للامال و مشالش مرسى مثلا هنعمل ايه هل هنستسلم وخلاص نبطل ننزل. طبعا لا لان لو الاخوان انتصروا فى المعركه دى هتبقى كارثه. هيتحولوا لوحش لا احنا ولا اجدع منا هنعرف نمشيهم هيبتدوا يخربوا فى المجتمع و فى البلد اكتر ما هما خربوها هيتحكموا و هيتمكنوا واتقى شر الندل إذا اتحكم. يبقى الحل ايه الحل اننا منعتمدش على السيسى بس احنا نحط امل عليه بس مش نستسلم احنا و نفقد الايمان بنفسنا. لازم نحط كل الاختيارات قدام عنينا. مش هنبطل ننزل مش هنسيبلهم بلدنا يخربوا فيها اكتر من كدا احنا اقوى من الكل احنا الشعب.