ثورة اممية إجتماعية
يعنى اية الكلام الكبير دا
أولا ثورة أممية يعنى ثورة عالمية وإجتماعية يعنى على مبادئ اجتماعية مش على أهداف سياسية السنين اللى فاتت حصلت ثورات كتير فى بلاد حولينا وعندنا وفى بلاد بعيدة عنا ظاهرها سياسى وباطنها اجتماعى منها اللى فشل سياسيا فى أغلب الدول تقريبا بس دا مش موضوعنا نيجى للبعد الاجتماعى مفشلش إطلاقا بالعكس مجتمعتنا بتتغير بتقبل حاجات وعلاقات كانت مستحيل حتى تفكر تقبلها من خمس سنين كدة والكلام دا مش عندنا بس دا الموضوع عالمى فعليا
طبعا أهم سؤال ممكن يخطر فى بال اللى بيقرا الكلام دا انى ببالغ وان المجتمع متغيرش
طيب ثانية اية أخبار الملحدين فى دايرتك الاجتماعية اكيد فى واكيد فى ناس متقبلنهم وبيقولك ملكش دعوة بانتماءات حد الدينية هل الكلام دا كان موجود قبل كدة ؟؟! الإجابة لا طبعا
طب صحيح أخبار قضية المثليين بتاعة منى العراقى اية مش الكل اعترض عليها وعلى تدخلها فى شأن لا يعنيها محدش أتكلم هل كلامها دا حقيقى ولا لا بل اتكلمنا على مدى وقاحة اللى هيا بتقدمة دا مش تغير اجتماعى ؟؟!
العلاقات بين البنات و الولاد مبقتش متوقفة عالجواز ملناش دعوة دا صح ولا غلط حرام ولا حلال بس موجود وبقينا بنقبلة عادى
كام واحد بينتقد المشايخ و بينتقد مفاهيم دينية موروثة مش مناسبة للمجتمع هل دا كان بيحصل قبل كدة ؟؟! الإجابة واضحة الدنيا بتتغير
و ظهور داعش وغيرها من التكفيريين مش اكتر من رد فعل على تغير المجتمع الشرقى بشكل خاص والمجتمع العالمى بشكل عام
ولأن لكل فعل رد فعل هما موجودين كرد فعل على تغير المجتمع
يعتبروا ثورة اممية مضادة
فى ثورة منهم هتنتصر معنديش فكرة هى مين
الكلام اللى عرضتة مش لازم يكون صح من وجهه نظرك أو حلال من وجهه نظر الدين أو حتى صح من وجهه نظرى انا المهم انة يكون موجود
للكلام بقية ...
No comments:
Post a Comment